Sony noyabrın 10-da Yaponiyada fiziki olaraq daha kiçik və daha yüksək yaddaş tutumu olan yeni model PlayStation 5 konsolunu təqdim edəcək.
Sony Interactive Entertainment Inc-dən verilən açıqlamaya görə, Yaponiyadakı mağazalar noyabrın 10-dan etibarən yeni model PlayStation 5 oyun konsollarının satışına başlayacaq.
Disk sürücüsü olmayan model 59 min 980 yen (402 dollar), ultra HD Blu-Ray disk sürücüsü olan model isə 66 min 980 yen (449 dollar) qiymətinə satılacaq.
2019-cu ilin noyabrında satışa çıxarılan hazırkı modeldən təxminən 30 faiz kiçik olması nəzərdə tutulan yeni model Playstation 5-in yaddaş tutumu 1 terabayt olacaq.
Mövcud ehtiyatlar tükəndiyi zaman köhnə model PlayStation 5-lərin satışını dayandıracaq Yapon şirkəti noyabr ayında yeni modelin xaricə satışlarına başlayacağını açıqlayıb.
